CHF International-ը ԱՄՆՄԶԳԻ-հետ կնքել է պայմանագիր Հայաստանում նոր աշխատատեղերի ստեղծմանն /զբաղվածության աճին/ ուղղված ենթակառույցների ստեղծման և վերականգնման ծրագրի իրականացման համար: BRIDGE ծրագրի նպատակն է բնակչության խոցելի խմբերի մեջ ինքնավստահության ամրապնդումը` աշխատանքային շուկայի պահանջներին համապատասխան մասնագիտական հմտությունների զարգացման և եկամուտ ստանալու հնարավորությունների ստեղծման միջոցով: BRIDGE ծրագրի նպատակն է աջակցել խոցելի համայնքներին հասնել ֆինանսական կայունության` կազմակերպելով շինարարական ուղղվածությամբ մասնագիտական ուսուցման դասընթացներ և ստեղծելով նոր աշխատատեղեր հանրային աշխատանքների ծրագրերի շրջանակներում, ինչը կօգնի համայնքների առաջնահերթ ենթակառույցների վերականգնմանը:
BRIDGE ծրագիրն ունի 3 բաղադրիչ: Առաջին բաղադրիչը Համայնքի մասնակցությունն է: BRIDGE ծրագրի միջոցով պետական, գործարար և համայնքային շահագրգիռ խմբերը համատեղ ուժերով կդասակարգեն համայնքային կարիքները ըստ առաջնահերթության և կընտրեն համայնքի զարգացման համար առավել կարևոր ծրագրերը: Շեշտը կդրվի այն ծրագրերի վրա, որոնցից սոցիալապես և տնտեսապես կօգտվեն համայնքի առավել թվով մարդիկ: CHF International-ը կնպաստի մասնակցային ծրագրերի ընտրության գործընթացին մի շարք համայնքային հանդիպումների միջոցով և յուրաքանչյուր թիրախ համայնքում Համայքի զարգացման հանձնաժողովների /ՀԶՀ/ ձևավորման, կամ արդեն գոյություն ունեցողների հաստատմամբ: Հիմնված լինելով համայնքային փոխհամաձայնության և տեղական մարմինների հետ խորհրդակցությունների վրա ՀԶՀ-ները կլրացնեն ծրագրի պահանջների ձևերը, կներկայացնեն դրանք BRIDGE-ի ծրագրային տեխնիկական հանձնաժողովին: Ծրագրերի ընտրությունը կատարվելոու է մրցակցության սկզբունքով:
Ծրագրի 2-րդ բաղադրիչն է մասնագիտական ուսուցման անցկացումը: BRIDGE-ը կապահովի շինարարական մասնագիտությունների գծով որոշակի հմտությունների ուսուցմամբ և կօգնի ստեղծելու կարճաժամկետ կամ երկարաժամկետ աշխատանքներ թիրախ համայնքների ամենախոցելի խմբերի անդամների համար: Դասընթացներին կնախորդի Շուկայական հմտությունների և Շուկայի պահանջների ուսումնաիրությունը /ՇՀՇՊՈՒ/, որի նպատակն է գնահատել թիրախ համայնքներում ներկայումս առկա մասնագիտական, շինարարական հմտությունների կարիքը և տեղական շուկայի պահանջներին համապատասխան որոշել ապագա տնտեսական զարգացման հիմնական բնագավառները, որտեղ էլ կկիրառվեն մասնագիտական դասընթացների ընթացքում ձեռք բերած կարողությունները: Ի հավելումն, շինարարական ՙենթամասնագիտությունները՚, որոնք կհամապատասխանեն հանրային աշխատանքների ծրագրերի պահանջներին, թույլ կտան դասընթացների մասնակիցներին տեղում ձեռք բերել անհրաժեշտ աշխատանքային փորձ: CHF International-ն առաջարկում է դասընթացներ, համայնքում իրականացվող հանրային աշխատանքներին մասնակցելու նպատակով:
Երրորդը` Հանրային աշխատանքների բաղադրիչն է: Հանրային աշխատանքները յուրաքանչյուր համայնքի խոցելի խմբերի անդամներին կընձեռեն կարճաժամկետ զբաղվածության /մինիմում 3 ամիս/ հնարավորություն: Նրանք, ովքեր սոցիո-տնտեսական ցուցանիշներին համապատասխան որակավորում կապահովեն և հետաքրքրված կլինեն ծրագրում ընդգրկված լինելու մեջ, հանրային աշխատանքներ իրականացնելու համար մրցույթն անցած շինարարական կազմակերպությունների աշխատանքային ցուցակներում առաջնահերթություն կստանան: Այն շինարարական կազմակերպությունները, որոնց կշնորհվեն պայմանագրեր, կպարտավորվեն իրենց կազմակերպություններում աշխատանքի ընդունել ինչպես հմուտ, այնպես էլ անփորձ աշխատողների որոշակի տոկոսային քանակություն` առնվազն 3-ամսյա աշխատանքով ապահովելու պայմանով: Աա պառտադիր պայման է լինելու հանրային աշխատաքներ իրականցնելու համար մրցույթը հաղթած կազմակերպությունների համար: ՀԶՀ-ները նշանակալի դեր կունենան պոտենցիալ աշխատողներին որոշելու գործում: Նրանք կօգնեն գտնելու խոցելի խմբերի այն ներկայացուցիչներին, ովքեր չեն ընդգրկվել ընթացիկ սոցիալական ծառայությունների կամ զբաղվածության ապահովման ծրագրերում:
Հանրային աշխատանքների ծրագրերը լինելու են աշխատատար, այսպիսով կարճաժամկետ աշխատանքներ տրամադրելով համայնքների առավել թվով մարդկանց: Նախապատվությունները կտրվեն այն անձանց, ովքեր նախքան ծրագրի իրականացումը 6 ամիս գործազուրկ են եղել, անչափահաս` հատկապես մինչև 5 տարեկան, երեխաներ ունեցող միայնակ մայրերին, 18-30 տարեկան երիտասարդներին` հատկապես դպրոցից դուրս մնացածներին կամ էլ նորավարտներին, բազմազավակ ընտանիքների կերակրողներին, հաշմանդամներին և ծերերին:
Ներկայումս BRIDGE ծրագիրը փոքր քաղաքներում ավարտել և իրականացնում է 30 համայնքային ենթակառուցվածքային ծրագրեր և 48 դասընթացներ, համագործակցելով մարզային ղեկավարության, քաղաքապետարանների և համայնքային զարգացման հանձնաժողովների հետ: Ծրագրերն իրենց մեջ ներառում են մանկապատանեկան կենտրոնների, դպրոցների մարզասրահների և քաղաքային այգիների վերանորոգումներ, և այլ համայնքային նշանակություն ունեցող ծրագրեր:
|
